 República Independiente de Tolivia Autor: Los Berrones
Espléndidu séptimu discu de los criadores del agro-rock
astur.
Descripción llarga: Cuando yá cásique nun yeren a esperar más los
admiradores del míticu grupu de rock llavianetu Los Berrones, por
fin n´avientu de 2003 asoleyen discu nuevu, con una imaxe remocicada y con un
soníu tamién nuevu, anque ensín s´allongar en demasiao del
so inconfundible estilu agro-pop. En Repvblica Independiente de
Tolivia sorpréndennos dafechu con lletres afilaes,
melodíes enforma apegadices y como siempres col so humor tan directu y
orixinal.
El discu fai yá´l séptimu na so carrera pero al revés de
lo que se podía camentar, atopamos una vuelta al soníu de los
primeros discos, más acústicu, con melodíes cencielles
pero perguapes y con muncha maña pa referise a temes enguedeyaos o
sensibles. Asina, en "Mentires" falen a les clares de los
políticos locales, en "País de pandereta" falen de la
realidá social asturiana, en "A dos nenos" falen de les vides
que taraza la mina... Como nun pue ser otramiente, hai tamién abondos
cantares col característicu y eficaz humor asturianu de Los
Berrones como pue vese yá pel títulu: "A
cabruñar", "Les calentures", "Esa atrocidá
llamada amor", "Calamocanu"...
Pa rematar, el discu ciérrase con una sorprendente versión
rockera de la perconocida canción de Simon & Garfunkel
"Puente sobre agües braves", a la que-y ponen gaita y sobre too
muncha diversión.
Cantares en discu:
1. Mentires
2. ¡Que guapa yes!
3. A cabruñar
4. País de pandereta
5. Suañaba yo
6. ¡Cuántos queden pel camín!
7. Les calentures
8. A dos nenos
9. Calamocanu
10. Esa atrocidá llamada amor
11. Amor de mil duros
12. Puente sobre agües braves
Preciu: 18,05 euros (3.003 pta)
Amuesa d'audio  (179,9 Kb.)
Referencia del proveedor: SG151CD
Códigu de productu: 2373
|
